طلعتنا و فلم الدينار ونص !!!!
{ بسم الله الرحمن الرحيم } ..
هالبوست مشترك من اولها لوول
انا amy لوني رمادي و اهيا ashley الاصفر ( عشان اتفرقون بينا ) ..
اتفقنا ذاك اليوم انا يا aMy و aShley انه نطلع
بما انه الاخت آشلي خلصت امتحاناتها
عقب معاناة ثلاث اسابيع ويالله خلصت امتحاناتي اللي ماابغت تخلص !!
وطبعا ايدي على قلبي خاااايفه حدي من النتيجه لانه في مااده ماقدمت فيها عدل :(
وانا بالدوام الاخت مطرشتلي مسج { يوووعانه حدي }
يعني نغزة يلا متى يا كومار اتيي تاخذني !!!
قاعده من فير الله احاتي النتيجه فماكليت شي ،،
شفت الساعه ولا صارت ١٢ ونص >> يعت يا أخيي :
ولا ادز مسج حق الحلوه ..
طبعا يحلاتي انارديت على المسج اللي طرشتلي اياه يعني فهمتها وقتلها يلا متى الطلعة
قالتلي آوكي نتغدا برا اهيا تشاورت مع روحها و قررت انه نتغدا برا على كيفهاااا ❊(
شرطي كان انه نتغدا بفرايديز اللي عالبحر ، هذي حنة اسبوعين على هالطلعة !!!
المهم وانا طالعة من دوامي ولا ترارون ترارون
رن التلفون آشلي داقه علي و احس الغصه ابلعومها و العيون مغورقه
مادري شلون شفتها بس يعني مبين من كلامها ،،
aMy !!!
=( AaaaaMy !!!!!
انا : هااا شفيج ؟؟
آيمي انا ساقطه بماده !!!!!
خير شلون آي ماده ؟ المسكينه عندها دور ثاني والاستاذ سقطها !
قاعده احاول اهديها ياااخي بطلع بتغدا بفرايديز مو وقتج تقولين ساقطه !!
فيني طبع خايس اللي اهوا اني ما اشحن التلفون وما اشحن اللاب وما اشحن مخي
يعني اخليه حده حده لمن ينطفي تالي اشحنه اييي ليييييش لييييش !!!!
و انا قاعده اواسيها واهيا اتشاهق بالبكاء
و فجأه ❊❊
طفا جهازي و طلعلها صوت طولوليط طولوليط ..
وييي يا حرام البنت تبجي تسكر بويها الجهاز =\ !!
و اصير آمي شوماخر عشان اوصل بيتنا
واحاجيها عن الطلعه اقصد اسكتها واقنعها انه مو اول وحده تسقط
* { لو دارسه جان ماسقطتي يمه } P=
بما انها المره الاولى بحياتي انه يكون عندي ماده دور ثاني فكانت ردة فعلي الصدمه والبجي ،،
فقلتلها اني بكنسل الطلعه لانه النفسيه داون :(
بس بعد الحنه اللي عندي {ايمي } اقنعتني بكلامها انها كلها مااده وتعدي انشالله سهالات ..
الزبدة اقنعتهااااااا افا عليكم D= ..
عاد بييه يا كرهي لمن نتفق على المكان و على اللبس يعني هذي ساعتين راحو من وقتنا
لبسنا وانا يا كومار اللي امرها البيت ونطلع بسيارتي !!
اكيد نطلع بسيارتي اصلا مو زين نطلع بسيارتها آبجي بجي =\ تنرفزني سياقتها والله !!
اي اي كلش مقصره سياقتج : كلش ماتويلين فيني وتقحصيين [ حشا سيكل مو سيارة لوول ]
اي نسيت اقولكم انه متفقين نتغدا ونروح سينما بعد نياهاهاهاها
وكان يوم الاثنين هالكلام ،، ف قتلها خل نحجز مبجر لانه الناس
و مصدقه خبر انه التذكره ب ١ ونص !!
رحنا حجزنا حق فلم رفرلفليليليشن رود لووول مادري شسمه
وطبعا انا اللي كليتها ونزلت برووحي علشان احجز الفلم وبما انه مصاافطنا
واايد شرحه فيها اماكن وايد فاااضيه !!!!
خلييت كوومار {آيمي} ينطررررنيييي يم باب المجمع :]
فحجزتلنا مبجر هالفلم لانه يناسب وقتنا مانقدر نتأخر لي بليل .. ( حظر تجول ليلي )
وتالي واحنا بالطريج يا ربي مادري ليش اسمع كلام هالبنت >>> آشلي
مو في صوب الاشارات لفات و دواوير عشان اللي ماله خلق يوقف عالاشاره يلف ،
يا حلاتي وانا اسمع كلامها اتقولي لفي لفي وانا انشاااالله ماما
نياااهاااهاااهههااي
وادش فيكم رونق سايد على المطاعم اللي عالبحر يبوووووي
ونشوف سيايير يايين بويوهنا طبعا احنا نصرخ ونضحك !!
حمدلله عدت على خير بس كان في سياره جكتنا ولحقتنا طبعا بيشوفون منو
هالمخلوقات اللي بسياره اللي داشين رونق سايد ويتمخطرون بالشارع لوول
يالفشله :\
حاولنا نخش ويوووهنا بس للاسف مانفع وهم حاولنا نختصر الطريج
يعني طالعين فيها بس هم للاسف مااقدرنا
وفشلنا روحنا بسبة فكرتي الغبية !!
المهم عدت السالفه على خير وصلنا المطعم وطلبنا
قعدنا ونطرنا وغابت الشمس والناس خلصت غداها واحنا ليلحين ما اكلنا
واهيا تحن عالفلم واتطالع الساعه اقولها ياربي عادي دينار ونص
الطبق اللي ابيه الجرسون مو راضي يستوعبه اقوله الباستا اللي علا شكل قوقعه
يسويلي باصابعه مادري شلون وانا اسوي جذي واهوا يسوي جذاك
صارت حصه رسم يرسملي شكل الباستا X\
اخر شي فهم اللي ابيه والحمدلله اكلت واحترق الساني من اول لقمه وماحسيت بلذة الاكل
آشلي شنو تبين سلطه ! باجر شنو تبين سلطه ! امس شنو طلبتي سلطه ! x\
اقولها غيري اكلي شي ثاني احنا بفرايديز خو شنو سلطه يعني رجيم عشتو !!
خو شنو خوو كيييفيي عااجبتني سلطتهم لوول ( هم رجيم بس ماابي افضح روحي لوول )
هذي صج وهقه !!!!
انا ماحب آكل بسرعه وماحب ادش الفلم متأخر عشان اذا طافتني الاحداث ماافهم باجي الفلم
واصير كومار من صج !!!!!
بس عادي الوضع كان لانه دينار ونص لووووول
وهمن عشان الفلم مو عاجبني بالاساس !! اللهم نبي ندش فلم وبس
بدا الفلم واحنا ليلحينا بالمطعم تونا بادين بالاكل بسم الله (عواافي علينا)
و آشلي اتقولي امبيه بدا وطافت ٥ دقايق امبيه طافت ٥ دقايق
وانا اعطيها نظره بو دينار ونص لوووووول
المهم طافت نص ساعه من الفلم اخييييه ما حلينا وماطلبنا براوني سبتها !!
الحين الفلم بدا واحنا متاخرين وحالتنا حااله وانا ماابي اتطووفني بداية الفلم كالعاده
والاخت ايمي تبي تحلي ( هذا وقته بالله حلي بالسينما خوو)
بس مااخليتها هاهاهاي واحنا اللي دافعين الحساب وطيران عالسيارة ..
وصلنا السينما اخيرا و كنا قاعدين آآآآخر سطر بس وناسه
والله تاخذون راحتكم اتشوف روس الاوادم من فوق D= ..
الفلم ماعجبني و احداثه بارده وايد بس في شخصيه واحد مينون الصراحه هذا حده فلم
وعلقنا على كلمة maah لمن تشوفونه راح تعرفون شقصدنا
اول نص ساعه من قعدنا في سطره كامله قامو من الفلم يا ماعجبهم يا ازعجناهم !!
لانه كنا قاعدين نضحك =x
وبعدين قامو سطره اللي وراها ! اخر شي اللي كانو قاعدين يمنا قامو من السينما
احنا اهني فطسنا من الضحك LOOL !
و اقولها يلا شرايج نقوم وراهم اتقولي لا بكمل الفلم !!
داااافعه ديناار ونص وتبي تقومني الظالمه من الفلم اخييه علشاان اتحسر على فلووسي تالي الليل !!
اخر الفلم انا طلعت من السينما و رجعت ولا مخلص الفلم ومافهمت منه شي !!!
قطيتها بيتهم وبس خلصت طلعتنا اهم شي استانسنا مع بعض الله لا يفرقنا =*
نشوفكم على خير =)
الاشتراك في:
تعليقات الرسالة (Atom)
9 التعليقات:
طلعتكم رائعه و حلوه
الله يعينها رفيجتج الي عندها دور ثاني خل تشد حيلها كورس الياي
يعطيكم الف عافيه
لووووول
عيل سينما ام نص دينار تسوي بالعالم جذي
xD
والله اكثر شي ضحكني يوم قلتي (amy) :
"رحنا حجزنا حق فلم رفرلفليليليشن رود لووول مادري شسمه"
كاااااااااااااااااك
والله اقوية داشين عكس السير صوب المطاعم
x)
nice post
{~المباركية~}
شرفتنا بالبلوق مشالله اول كومنت
انا اشوف صار اشعاع ضوئي ماشالله اهني اثاريه انتا لوول < شدعوه عليج
اي قاعده اقولها شدي حيلج وانشالله تنجح وتفكنا P=
الله يعافيك ويسلمك نورتنا ..
.
.
Hashimoto
تسوي جذي واكثر مااااتدري انتاااا لوول
اي والله اسم الفلم مادري شلون قايل
ااهيا طلعت عفويا يعني بتكلم انقلش سريع وليليحن ماقولها عدل بعد
عكس السير اييييه قويه كله منها والله لووول
الحين كل ماتشوف لفه اتقولي دشي عكس السير اشوف يازتلها الحركه لووول
مال يصكونها مخالفه p=
مشكور نورتنااا =)
{~المباركية~}
ثاانكيووووو على مرورك وطلتك الحلوه
ووو انشالله بشد حيلي اكييد بشد حيلي عقب المصيبه اللي صارتلي بهالكورس لوول
هالله هالله بالدعوات الزينه عاد P:
واشكرك اقين على مرورك الطيب
Hashimoto
لوول علشان تحس بقيمة الفلس حسبالك دينار ونص شوية P:
انت خل يوم اهيا تبي تكتب اسم الفلم
الوهقه الصجييه
يووم رحت بحجز التذااكر شلوون اقول اسم الفلم صج توهقت :/
ماكو الله وكيلك شفت حاطين دعايته اول واحد جان اقووله the first film lol
ويسلموو حيااك شرفتنا :)
لووول ان اقول انتوا كل وحده تسمع كلام الثانيه و اخر شي ماكو خطه مثل الناس
:)
بس طلعتكم اكشنيه وانشالله تعوضين الماده مالت الدور الثاني
امممم >> اخرتنا ماراح نووصل حق شي
ايي افا علييك والطلعه هذي شي من ولا شي لوول
ثاانكس الله يسمع منك دعواتك الديكاتيه عاد P:
نورت البلووق :)
يا حلاتكم
والله لا يفرقكم عن بعض
تحياتى لكم
Ducati
اهليين ديكاتي P=
لوول شفت شلون اثبتنا على هالشي لوول مامنا فايده ولا عايده !
.
.
قانونى كويتي
الله يسلمك ماتقصر =)
نورت ..
^^ قانوني كويتي ^^
مشكور ومااقصرت وتسلم عالدعوه الحلوه :)
وحياك الله
إرسال تعليق