أول مخالفة !!
_____________________ B Y : A M Y
اي نعم اول مخالفه وبعد خمسطعشر سنه خدمه بالسواقه !!
لالا ماصارلي جم سنه اسوق =)
وعمري محد خالفني !!
واييني ذاك الشرطي اللي مادري من وين طلع وبعز الشمس صكني مخالفه x\
الله يسلمكم كنت داشه احدى المجمعات هالحجي قبل جم اسبوع !
وصافطه يم السيايير اكيد يم السيايير لاني دايما اشوفهم صافطين هالصوب
ومبين انه مواقف ، رحت وصفطت ، ولمن خلصت شغلي ركبت سيارتي !
و اذا بي
ادق سلف !!
لالا الحين اتييكم الجمله
و إذا بي
اشوف ورقه علا جامة السياره اممم ؟!
لوعو جبودنا هالاعلانات ييت بعفسها واقطها كالعاده P=
و إاذا بي اشوف انها مو اعلان شي غريب عليّ لوووول" جيكو انه شي غريب "
ولا طلعت مخالفه !!
اوووخ اووخ ليش ليش ؟؟؟
لالا غشمرتكم بايخه يلا عاد شهالدقه !!!
اثاري ممنوع الوقوف
شدراني يا عمي توني ادري بحياتي انه هالمكان ممنوع الوقوف
كل مره اشوف هالمصافط ترسها سيايير وورا هالمصفط ستعش سياره اللي صافطه عاليمين ولا
يسار ، ذاك اليوم آناااا شايفه سياره صافطة فوق سياره ثانية لول شهالتشليخ
المهم
انا صعقت لانه اول مره بحياتي وماسكه المخالفه بأيدي واطالعها
اي خو خلاص شفيج لول ..
طبعا دقايق ولا آنا داقه على حبيبتي عمري قلبي آشلي < شاقه الحلج الحين
وقتلها السالفه الخطييييره هذي لووول شدعوه شدعوه
لانه ادري اني بحصل زفه من الوالد =(
مع اني والله لا مخالفات ولا حوادث الحمدلله يا رب
* اما غيري بيبان السياره تعوقت والدعاميه شوي وتطيح من الحوادث احم
منو قاال انها آشلي منو قال ؟
ترى انا حوادثي اللهم سحكت علا جميع ارصفة الكويت بس مو اكثر !!
خو اول ما سقت دبوووووف ولا صاعده الرصيف انزين وخري عنه!! لا مكمله الاخت
وكل يوم اسلم على رصيف وانا بطريجي ..
{ خارج النص }
*شهر اللي طاف صار حادث بالنسبه لي قوي لووول
دشيت بسيارة موديلاها يديد يعني صاحبها شوي و يهفني كف
سيااااارته كحيانه قرمبع مالت هندي لا و الاخ نزل من سيارته يجيك عليها
يا عمي اذلف صج اني الغلطانه بس اهوا غلطان شحقه واقفلي بالشارع
المفروض يمشي جان اقوم وادش فيه لوول طبعا بدون لا ادري كنت مستعيله
ماتعورت سيارتي ولا سيارته اهم شي اهو الحمدلله لووول لانه سيارته تلق لق من كثر ماهي يديده
بط جبدي عورني قلبي = (علا سيارتي
لا ويقول خلاص ماما مافي مشكل روح ❊❊
قتله انت اللي روح ! يعني عصبت لوول
بس ضليت ساعه ارجف وعليا من تأثير الاصطدام
ال بريك ماكان قوي لانه جان صرت شاورما بين سيارتين ..
الله يستر علينا من الحوادث وانشالله هذي اخر مرة ..
----
عاد اقولكم شي
اليوم رحت نفس المجمع و من حظي الحلو بس وصلت جان القا مصفط
جان اجيك انه ممنوع الوقف من صج
فكرت فكرت !!
قلت شمعنا الحين كلهم صافطين وانا لاء = (
بس قلت اخاف يطلعلي هالشرطي ويخالفني بعد !!
حظي دايما حلو ادري !
ضليت ربع ساعه انطر مصفط
مسكينة باد بخت =\
A M Y ~
___________________
12:54 م
|
التسميات:
مخالفة ، حادث غبي
|
الاشتراك في:
تعليقات الرسالة (Atom)
9 التعليقات:
وووي ماسوت عليج هالمسفط مطلعينه من جبدنا
لوول عاد اكثر ناس يدعمون البنات من اول مايسوقون
لو يسوقون تريله جان شلون هاهاها
عاد صج منظر الي واحد ماسك مخالفه يكسر الخااطر
يعطيج العافيه و حزام الامان فيه امان
{~المباركية~}
اغلب الشباب
من قبل السن القانوني يسوقون سياره وعارفين لها ..
عدل لو لا !! p=
احنا خوافين =(
انزين شنو يعني تريله احم لوول
شخباري الحزام لووول اي انشالله انشالله
اول سنه شديت حيلي وربطت الحزام بس شسوي
حده يعيق الحركه =\
~ الله يعافيك والله =) ~
سلامات اول شى على الحوادث اللى صارت معاج قبل
ونتمنى لج السلامة على طول
وبالنسبة للمخالفات لا انتبهى وايد
والموضوع حيل حيل شيق واستمتعت فيه
تحياتى لج
صج باد بخت :)
خطاكم السو ..
وانشالله اخر المخالفات :)
وااااااااي مسكينه
سلامتج
انا عمري ماحصلت مخالفه و ان شاء الله ماحصل :S
أجر وعافية حطي بالك وعن العيلة علشان لاتدودهين
وتقطينها براس الشرطي والا حارس الامن !
المهم انك بخير الحين؟
سلامات
خطاج السوو حبيبتي
بس لازم تنتبهي زين
أحمد الحيدر
خطاك اللاش =)
نورت البلرق ،،
.
.
malak
الله يسلمج ،
ايي كفووو
انشالله ماتحصلين ولا مخالفه =) ..
البلرق منوووو !!
بدليه >> * البلوق ..
.
.
قانونى كويتي
وي اسفه نسيت اكتب رد !
الله يسلمك لا انشالله اخر مخالفه
وكل طراق ابتعلوم لوول
مشكووور وايد =)
.
.
بوفهد
حيااالله بو فهد =)
اي انشالله بدير بالي مره ثانيه ..
الحمدلله بخير بفضل الله جاءت العواقب سليمه =))) ..
.
.
Paris
خطاج اللاش
حبيبتي والله ، اي انشالله بنتبه ..
إرسال تعليق