شوربة ماماعووده {يوُ يوٌ } :/
.. Hi every Body
.. How R U
شمسويين بالعطله !! واللي مااعنده عطله (حره P: ) شمسويين بالدوام !!
المهم ،،
ترى ماابقى شي على امتحااني ادعوولي >> صج صج قاعده ادرس وذاابحه رووحي
وابي اطوف هالماده على خير << الله يساامحه الاستااذ بس خرب علي عطلتي :(
مااطول عليكم بس صارتلي سويليفه يوم اليمعه اللي فات وقلت اقولكم اياها :>
طبعا كالعاده يوم اليمعه زوارتنا بيت يدي الله يطول بعمره يارب اهوا ويدتي بعد عمري
(( الله يخليها لنا ان شاء الله اموت فيها ))
وبما انه صاارلي 3 اسابيع ماارحت عندهم فقلت لازم احترم نفسي واروح لهم علشان لاا احصل زفة محترمه من ماماعوودتي الحلوه وخالاتي الحلويين ،،
من الظهر وانا مجاابلة التي في [ عيااره زاايدة عمرج مااجابلتييه نهاار كامل حبكت اليوم بس عشان الزواره ها ] :$
وبعدين جاابلت النت لي المغرب ،، فتحت المذكره راجعتلي جم مسألة عشان لا انسى
اللي عطااني اياه المدرس ^^ المدرس الخصوصي طبعا .. اهي اهي ابي انجح ^^
المهم ولا اشووف الساعه ( انا مااقلتلكم طول عمري اشوف الساعه ) ولا بييه صارت 7 ونص وانا
لا لبست ولا سويت شي قاعده بمكااني !!
الساعه 8 قررت اني اقوم البس واروح ،، قمت وانا متعييزه حدي المهم اني اروح
مصممه اني اروح لو اقعد نص ساعه وارجع بس اهم شي اني اروح D:
وفعلا خلصت وطلعت 8 وثلث معجزه طبعا ووصلت هناك 8 ونص
^^ ياسلام >> منو قال اني داايسه فوق 120 منو قاال منو هاا >>
دشييت سلمت عالكل تعالوو سمعو التعلقيات عاد ياامعود انا زين مني ييت لول ,,
ولا في شي نااقص {{يااجماعه شي نااقص شنو اهوا }} ولا ماماعوودتي مفقووده يبوووي وينها ؟؟
و اقتحمت عليها المطبخ ولا اشوفها يحليييلها قاعده عالكرسي يم الباب مجاابله المقلى والدهن
وتقلي مادري شنو حاطه يمها اهيا مسوويته ** اخييه على طبااخج ماكو منه صراحه تسلم ايدج والله **
وحصلت الزفه المحترمه اللي قلتلكم عنها Lo0oL
وبعدين رحت الصاله و خذيتلي زااويه وتربعت فيها واسمعهم شيقولون
وقزرتها مسجاات بيني وبين بنت خالي ** الخااينه ماكانت يايه كانت بالشاليه **
هم دقيت على حبيبتي ايمي بس ماردت شكلها ناايمه بالعسل [ ٍٍSweet Dreams yomaah ]
صرت اسد من كثر ما قاعده اتثاوب (( خو شالله حادج ردي بيتكم خمدي .. لا مصره اقعد
علشان لا يقولون شعندج راده مبجر توج يايه !!
وصار وقت ال Dinner
صار هجووووووم لوول لا ويحليلهم حااطينلهم طاوله بالنص والاكل عليها
والاهل يفترون يعني بووفييه عشتوو ..
وانا حدي منغثه واساسا مو عااجبني الاكل وقعدت مكاني واصريت اني مااقوم .
ماماعودتي تحن قوومي ياآشلي اكلي وانا لأ ماابي
قوومي ياحبيبتي تعشي مايصير ماتاكلين وانا لأ ماابي
اخر شي جان تكسر خاطري قالتلي انزين قومي شربي شوربة
انا مسويتها " عمل ايديا وحيات عينيا "
عاد هني خلاص حرام ماابغيت اكسر فيها وقلت خل استحي على روحي واشرب شوربتها
( مع العلم اني مااحب الشوربة بس علشان خاطر يدتي )
وقمت صبيتلي >> وين الملح .. ادري حدها مااصخه لانه يدتي فيها ضغط
وجم وحده من خالاتي بعد فالاكل مليون بالاميه لازم يكون مااصخ :/
وسااعه على مااييبون الملح !!
ان عند بنت خاالتي >> عمرج 5 سنين شفهمج بالملح انتي لول
والحين يلا ضبطنا الشوربة ليمون وملح شغل عدل ..
بغيت اييب الدقوس صج مااحبه بس عشان اضيف
ليه نكهه شوي ( حلوه نكهه ها عجبتكم لوول P: ) "" الحمدالله الف الحمدالله اني مااحطيت فلفل ""
توني بسم الله اول لقمه ولا اوف اوف متروووووووووووووووووس فلفل
ياااااوييلييي ويهي صاار طماطه لوول وشرقت قمت اكحكح
وعيووني غوورقت بالدمووع وااعلياا وعلى حاالي :/
ماماعووده شنوو هذاااا حراام علييج متروووس فلفل احترقت ؛(
ولا تقولي ها وييي ايي كله مني انا بغيت احط ملح جان احط فلفل *اخييه شذنبي انا حرام عليج *
على فكره :: انا مااحب الفلفل واستغفر الله مااشتهي الاكل اللي فيه فلفل وحدي اتنرفز
اذا الاكل كان فيه فلفل واعصب وماآكل ,, وهم الملح زيااده ماحبه !!
جان تقولي خلاص يما آشلي رديه مو زين حقج فلفل واايد >> خو الله يهداج جان من اول شحقه خليتيني اكله :((
يااربي ماادري شنااوين عليه هالبيت يبوون يسمموني بالاكل لول
>> اذكر مره هم جذي عالعشاا كانو طالبين مشويات ^^ خو اهما ماعندهم يافطاير يامشويات !!
الموهيم ..
كانت معاي بنت خالي فديتها ^^ بس بهالموقف حقدت عليها لول ^^
كانت شاايفه انه قلاص البيبسي مالي كان فييه نمله .. بس ماقالتلي :@ كل اللي قالته لاتشربين
من البيبسي وقلتلها انزين ونسيت وقمت وشربت !!
ولا تقوولي وييي آشلللللللي لييييش شربتيه فييه نمله
آنا شنووووووووووو كح كح كح يبييلوي دييتووووووووووول لوول
وقمت ورحت غسلت (( ماابي الوع جبوودكم بس رجعت كل الاكل اللي كليته ))
ياااو صج صج لاعت جبدي ' وطبعا وجهت التهمه حق يدتي>> اهيا اللي صابه البيبسي>>
والبااجي ميتين علي من الضحك خووو قومو ساعدووني
لا كل وحده من خالاتي فاارشه عالغنفه وميته ضحك علي :(
المهم هذي هه شويوونه من المواقف اللي صارتلي بيت يدتي
ان شاء الله ماتكونون طحتو بمثل هالموااقف صج مو خووش !!
واتوقع ان شاء الله اليايات اكثر " خو صرت ضحيتهم لوول " ..
c u soo0ooN
Bye Bye
By aShley
الاشتراك في:
تعليقات الرسالة (Atom)
5 التعليقات:
اولا حمدالله على سلامتج
ثانيا شدي حيلج بالامتحان وبيضيها
ثالثا كلش مالاعت جبودنا من الترجيع !! بعد لو
امنبره في الترجيع ومدوره النملة الي غرقت بكلاس
البيبسي وايد احسن :)))))
على الاقل نطمن على سلامتها من الموت المحقق .!!
مسكينه يدتج يزاها انها حاطتلكم فلفل بالشوربة
عشان ادفيكم بهالبرد ... بس وين الي يقدر وعسى الله
يطول بعمرها.
ومرة ثانيه ياابلة لاتروحين وايدج خالية على الاقل
لو قوطي نخي :))))
هذا وعقب 3 اسابيع موشايفتهم ترجعين في صالتهم !
سامحيني لاني اخذت راحتى معاك اي شسوي انتي سوالفج
اتونس!!!!!
عسى الله يوفقك وبشريني عقب الامتحان .
بو فهد ..
الله يسلمك اخووي ،، اي ان شاء الله شااده حيلي عاد والله كريم ..
ويييييييييييع تخيل شكلي وانا ادور النمله يبووي لا لا مااتحمل لووول :/
والله مايندرى عنها بس اكيد مااتت من القهر لانها كانت بقلاص البيبسي ماالي P:
المووهيم
أيي برد الله يهداك احترقت ومعدتي شبت علي بليل !!
تسلم ماقصرت والله يطول بعمرك انت بعد يارب ..
اقولك ترى الوالده مااتقصر اهيا تااخذ معاها الحلو >> انا ماأودي شي معاي كافي الحلى كله رايحلهم ( مو غرور اعوذ بالله بس ثقه ثقه بالنفس خو لوول )
وساالفة النملة ترى صارلها يمكن شهرين او اكثر تقريبا مو الحين يعني ،، بس سالفة الشورربه توها Fresh قبل يومين لوول P:
وبالعكس اخذ راحتك ونص احنا ماافتحنا البلوق الا عشان نسولفلكم عن مغامراتنا وتاخذون وتعطون معانا بالحجي وتعيشون الجو ويانا ؛)
ومشكور رفعت من معنوياتي **يوم تقولي سوالفج تونس :$ **
ومره ثاانيه مشكور ومااقصرت ويعطيك الف عاافيه على اهتمامك وانشالله ببشركم بالنتيجه الحلوه :)
اي درسي عدل بدل الفرارة بين الاسواق والمطاعم
ابييييه مسكينة ذبحتج الشوربة
يلا تعيشين وتاكلين غيرها:p
هذا عقاب على الغياب في بيت يدتج:p
لوول ماايسوى علي هالدور الثاني خرب علي عطلتي بس ماعليه اخلص الامتحان و يكون ليلحين عطله لي
3 /3 اداوم P:
بس خو مايصير احبس روحي بالبيت لازم اطلع وهالويكند كله بهيت لوول بس الحمدالله منسقه وقتي بين الدراسه والطلعه ولا يهمج ؛)
اي خلاص قررت اني ماقطع بيت يدتي لو شنوو عشان لا يسوون فيني دقات بعد :/
ومشكووره حبيبتي شرفتيينا ويعطيج الف عافيه :)
عليج بالعافيه عموما حت لو ماحبيتيها
المره اليايه سألي عن مكوناتها اول :>
وسالفه النمله بددددددددعه :)
لاتحرمينا من هالسوالف الحلوه
إرسال تعليق